پیامک بختیاری سری هفتم

شل و دل ابی ره به پا که مهده

دراورد اوسار کرد به سر وزنه

شل ودل ابی ره به پاکه هورجین

دراورد اوسار کرد به سر نوزدین

دور‌دونگمه دولت ودنیا زخمونه

هرسا که بلیطها اگرن عیش لورونه

دلم ایخو دلم ایخو خنده به لووم بو

برچ برچ نور مه منه ائی شووم بو

دای شیرین شیرین شیرین دای شیرین بردن

جاهلون مام خومون دای ز غصه مردن

دودری دات بگو بوت خور کن

شیر باهیت چارصدتومن‌ یچی‌ زس کم‌کن

شیربهام چهارصد تومن نه کم و نه بیش

ار کر باغیرتی پاته بنه پیش

دوانه بگوین رخته نونه به ور کن

وری زی تری گو دی مال خور کن

دووم رو بکن چالنه پر ز انگشت

بریزین و چاله مله گرگ و دینشت

دوش پسین من گردنه افتو ولم کرد

تیه کال بی مروت خین به دلم کرد

درد دل کشدم بیشتر حرف مردم

وردارم کشکول کن عالمه بگردم

درد دل کشدم بیشتر ناسزایی

وردارم کشکول روم به گدایی

ددوم. دوگله جم بکن دور چاله

بکش پیش پاس گو تو نر مشه کاله

قربون خدا برم مه وند منه حوش

گردل پا پنبه ای پا کرد منه کوش

گردل گردل کنی منه مال اگردی

مردنه زنده ایکنه همو سو که خندی

ورشو گلالی گله جات منده خالی

دسمال دستت بدم سی یادگاری

دسمال دستت بدم سی منه جیوم

هرفکه یادت کنم سیت بگروم

ای خدامونه بکش منه مال نگردم

نومزد عقد کردمه دادن به مردم

بیو بریم چم آسییو باغ ها خیاری

شلوارها مظفری تیا خمار ی

ورگل مال خو مون چنده ملوسن

چی گولپه شرکتی تا صحوو اسوزن

چه خووه شو مهی با شوق دیدار

بروی تی تم رهی منه که وکهسار

ویرم هی با تنه چی مه وافتو

دل موسی دیدنت ایکنه لولو

ویرم مو هی با تنه هرصحو وهرشو

مر ابو بی خاطرت سر نم ره خو

آرمون دارم که سیر تیت بنشینم

بافه بافه هی گل از حرفات بچینم

کلخونگ کل کمر دونس درشته

دورای بشکن بیو کر خونه کشته

قربونه دوش هم مجال گل حونه مون بی

قوری هاسوروسفیدمنه چاله مون بی

مینا سهر خط خطی ری کرده واپشت

تیه کال وه درد دل امسال مونه کشت

کلخنگ کد کمر دونس کَهُوئه

دُهدر ای بشکن بیو کر سیت کَلُوئه

شوگرهدم کل مال مردم زسرما

تیه کال بی مروت نگو بفرما

عبد ممد للری سیچه نمردی

چارشنبه بیست ویکم خوت گل بردی

چهار شنبه بیست ویکم خوم گل بردم

ار ادونستم گل امیره خوم به جاس امردم

ویدم بی که بینمت دیدم نبیدت

خاطرم جا نگره کندم زدینت

م.اویدم کد ره ری کردم واپشت

غم خوم کم سیم نبی سعدیت منه کشت

وی دوش پسین من گردنه وی ولا افتو ولم کرد

وی شوق دیدار گلم ،وی ولا خین به دلم کرد

هوی بلال بلالم. بلال بلالم. د در خالک به نفتت

هوی تش بجونم ایونی.وی گلم وا گفت و لفتت

شوق دیدارت هردم .تش اینه منه جونم

سی تو چینو ایسوسم .سی تو چینو ایخونم

بهار م زرد زجون سیرم

خوت ایدونی بی تو دلگیرم

چه خوه مال بار ونه هوی ولا بال او سور

دست گل من دستم بو هو ی ولا چشم حسید کور

بلال بلال هوی بلال بلال هوی گلم لو بلگ بیدی

اویم بی که بینمت هوی گلم دیدم نبیدی

گامیشون بار کنین برنج وگندی

برینسون شیمبار خراو سی خرج اردی

گا میشون بار کتین برنج وگندم

برینسون شیمبار خراو سی خرج مردم

گرفگارم به نیرنگ زمونه

ندیدم دنگی چی دنگ زمونه

گرمسبر گرمه گرمه ولا و باد گرم ایاره

کاشکی که زیتر مال بار کنه بریم ایلاق دوواره

‌گردل گردل اکنی من مال اگردی

مردنه زنده کنی همسو که خندی

گله سیل آ تهمورث هزاربره وبیگ

نویسه وه سر شون کله س منه تیگ

گرمسیر گرمه جور دیگ اجوشه

سر حد بالا،اوه برف اخروشه

گم جاز گم چویل گم چلچلاورد

دادمس باد شمال مر سیت نیوورد

گامیشون بیارین گـود در مال

هرکسون گپتر تره ، بدینس به تشمال

گامیشون بارکنین بـرنـج چمپا

برینسون شیمبارخرو سی خرج خانا

گاگریو خونین همه سی بختیاری

دی کُری زس نیکنه طایفه داری

گل اوی باهار اوی بیون ریم وصحرا

گل بگویوم گل بشنفیم تش ومال دنیا

گور کنون گورم کنین مرگم حا ضر یه

ددومه خور کنین مر کا فر یه

گور کنون گورم کلند سو یری

تا بیاهه بر سه گگوم ز دیری

گدی ناونده ز گل سیم ایاری

ایخونی جورکوگون بهاری

گوویلم ددویلم سرتون سلومت

دیدن خم وخوتون رهده تا قیامت

گرهد‌کوهنه تفنگچی کول به کول کول خدنگ کول کلنگ دار

آاسدمون چنگ اکنه وا شاه قاجار

گوویلم گپ تا کوچیر غیرت ندارین

چول‌کنین تهرون خراو شاه نه درارین

گردواری ایکنم ایام به دینت

خوت خه دونی حال هر کی که نبینت

گردواری ایکنم ایام به جستت

انشینم سر ره شو به کمینت

ار یک نشون بده حونه بوومه

مشتلق مو بس بدم مینا کوومه

ار یکی نشون بده حونه ی دامه

مژدگونی بس بدم مینا سیامه

پیامک بختیاری سری هفتم

پیامک بختیاری سری ششم

پیامک بختیاری سری پنجم